Европскиот парламент денеска со мнозинство гласови го усвои извештајот на Хрватскиот европратеник Предраг Фред Матиќ за сексуалните и репродуктивните права.
Извештајот на Матиќ предизвика вистинска бура во хрватската јавност при што тој се соочи со остри напади од конзервативците и бискупите.
Но, она што денеска посебно привлече внимание е начинот на кој европарламентарецот го прославил усвојувањето на неговиот извештај. На фотографијата објавена на социјалните мрежи се гледа дека поминувањето на извештајот му значело многу, па чинот го прославил со подигнати раце и со скок во висина.
,,Конечно имаме јасен став, секој во ЕУ мора да има пристап кон контрацепција, медицински потпомогнато оплодување, абортус и на други здравствени услуги, напишал Матиќ на фотографијата.