Налепницата со нашиот меѓународен код МК,залепена на стаклото на едно тиркизно-зелено Фиќо, на фотографија од репортажа во хрватскиот весник „Слободна Далмација“, ни го привлече вниманието да се задржиме на текстот и да видиме за што станува збор.
Во репортажата се раскажува за Амар Чамо кој 23 години живеел во Австралија и за Лејла која живеела во Швајцарија , за сега како брачна двојка да одберат да живеат во Сараево по венчавката во 2019 година во овој град, и од пред два месеци да се стекнат со највеличенствената улога на светот-родителската.
Се почнало пред 5 години кога Амар дошол на идеја со Фиќо, кој од милина го нарекувал во женски род „Фиќа’’, да тргне на пат и да запознае нови дестинации и луѓе и така ,,опремен„ со многу љубов да промовира позитивни промени во светот, да шири радост и добра енергија.
-Патувајќи, свативме колку малку луѓето водат грижа за земјата која ни е подарена. Во соработка со ЕУ и со разни институции организиравме акции за чистење и работилници како да ја подигнеме свеста за тој проблем.Свативме дека постои силна корелација помеѓу менталитетот на луѓето и односот спрема средината, затоа вклучувавме и многу млади луѓе на кои им ја објаснувавме важноста за грижата за природата“, објаснуваат Амар и Лејла во репортажата на ,,Слободна Далмација“.
Амар со тиркизно-зелената ,,Застава 750“ поминал добар дел од Европа и северна Африка.Незапирливиот авантурист своите случки во култното возило ги објавува на Инстаграм профилот Ficarew., благодарение на кој стекнале различни познанста од Бали до Аргентина.
– Идејата за ficacrew се роди пред пет години кога тргнавме од Црна Гора накај Италија.„Фиќата“тогаш не беше подготвена. На почетокот имавме многу дефекти , луѓето зборуваа дека сме луди поради тоа што сме решиле да отидеме на две недели со ова ауто во Турција, но мене ми звучи инспиративно кога некој ќе каже дека нешто не може,“ изјавил низ насмевка ,во репортажата на весникот „Слободна Далмација“ Амар.
Но, како за чудо тој пат фиќото одело без никакви проблеми.Амар смета дека аутото не мислело дека некогаш воопшто ќе се врати во живот , но кога сватило дека не е оставено , почнало да работи одлично. Но, сигурно за тоа помогнале и механичарските вештини на Амар, кој не бил тоа по професија но обожувал да „чепка“ во срцата на олдтајмерите.
Првото најдолго патување траело пет недели, се одвивало преку Италија со траект до Тунис и понатаму до Алжир, а потоа се „случила“ Лејла. Нивното брачно патување не траело еден, туку три месеци. Превозно средство им било фиќото а целта од Сараево до Рејкјавик.
-Патувавме северно преку Данска, ги посетивме Фарските острови и стигнавме на Исланд. Потоа во декември не дочекаа минусни температури, но Фиќото сето тоа го издржа, изјавил гордиот Амар, заблагодарувајќи им се на многуте пријатели кои ги стекнале преку социјалните мрежи и кои им понудиле ноќевање.
-Во овие четири години, сосема ми се смени животот, запознавме толку отворени луѓе ,кои ни станаа доживотни пријатели, заклучил тој.
Во овие моменти Амар и Лејла ја подготвувата новата тура низ Балканот до Турција, овој пат на патувачката авантура со ,,лутата машина Фиќа“ќе ги придружува двомесечното бебе.