Македонија и Албанија воспоставија заеднички контроли на грараничниот премин Ќафасан. Преку ова се олеснува трговијата, транспортот, а ќе се подобри и прекуграничната соработка меѓу двете земји.
Соработката меѓу двете земји е поддржана од Владата на САД преку УСАИД со проект за економски развој, управување и раст на претпријатијата – ЕДГЕ за зголемување на ефикасноста на граничните контроли на премините Ќафасан – Ќафатане, кој денеска се промовираше. Со новите опреми на граничниот премин, ќе се намали времето на поминување на стоките преку границите.
Владата на САД ќе соработува со Македонија и Албанија за зајакнување на капацитетите за царинските управи и вршење заеднички гранични контроли, како поддтшка на билатерелниот рамковен договор за заеднички гранични контроли потпишан од премиерите Зоран Заев и Еди Рама.
„Овој договор ќе помогне да се изградат посилни поодржливи и подобро поврзани економии, подобрување на животите на вашите граѓани со побрзо поврзување на вашите земји со пазарите на ЕУ и намалување на физичките бариери, отворајќи уште поголеми економски можности за целиот регион“, изјави амбасадорката на САД во Македонија, Кејт Мари Брнз.