Aмериканската амбасадорка во земјава, Кејт Мари Брнз, денеска се сретнала со лидерот на ВМРО-ДПМНЕ, Христијан Мицкоски, за да го брифира за извршната наредба на претседателот на САД, Џо Бајден, за Западен Балкан. Информацијата за средбата, Брнз ја сподели на „Твитер“.
– Извршната наредба на Администрацијата на Бајден е посветена на борбата против корупцијата и јакнење на демократските институции, важни приоритети кои сите политички партии во Северна Македонија треба да ги прифатат за да може земјата да стане членка на ЕУ и да се подобри животот на сите граѓани, твитна амбасадорката на САД во земјава.
За средбата информираа и од ВМРО-ДПМНЕ, од каде соопштија дека Мицкоски и Брнз разговарале за актуелните случувања и предизвици важни за државата.
– Како акутен проблем од Мицкоски беше посочен високиот степен на корупција и криминал во највисоките структури на власта и злоупотребата на европското знаменце. Беше истакната и потребата за прифаќање на Резолуцијата која ги содржи црвените линии во насока на заштита на идентитетот, јазикот и историјата, информираа од партијата.