На српскиот претседател Александар Вучиќ, поради заедничкото дејствување во бизнис заедницата на Западен Балкан 6 со акцијата за вакцинирање на 27 и 28 март 2021 година, денеска во просториите на Стопанската комора му беше врачена благодарница, од страна на претседателот на Стопанската комора на Северна Македонија, Бранко Азески.
Благодараница за заедничката реализација на процесот на вакцинација на бизнисмени од регионот во српските здравствени установи, претседателот на Комората, Азески му врачи и на неговиот српски колега и претседател на Коморскиот инвестициски форум, Марко Чадеж.
На доделувањето на благодарниците присуствуваа и д-р Горан Свилановиќ, советник на претседателот на Стопанската комора на Северна Македонија за регионални прашања, Светозар Јаневски, член на Бизнис советот на КИФ и Владимир Стајиќ, стопанственик, член на Комората.
По церемонијата на предавањето на благодарниците, претседателот на Стопанската комора на Македонија, Бранко Азески, уште еднаш им се заблагодари на српскиот претседател Вучиќ и на српскиот партнер Чадеж со зборовите „едно големо благодарам за сè што направивте за поддршка на бизнис заедницата во услови кога светската пандемија предизвикана од Ковид-19 вирусот беше во најголем ек“.
Покрај државниците, свое обраќање имаше и претседателот на Комората, Бранко Азески, кој упати порака дека бизнисот сака Отворен Балкан со отворени граници и обединување. Тој побара од политичките лидери да се стави крај на грдите слики на граничните премини кои го фрустрираат бизнисот и конечно да исчезнат колоните камиони од граничните премини. На компаниите, вели претседателот на Комората Азески, доста им е од затвореност, сива економија и евтина работна сила.