Борбата против корупцијата му помогна на принцот Мохамед бин Салман, да ја консолидира власта и на кралството да му припадни имот од 106 милијарди долари
Саудиска Арабија соопшти дека се уапсени 207 вработени во десетина државни министерства, како дел од најновата истрага на саудискиот регулатор за борба против корупцијата.
Уапсените не се именувани и не се знае кога се уапсени.
Саудиската национална антикорупциска комисија, позната како „Назаха“, доцна синоќа информираше за апсењата.
Борбата против корупцијата почна на крајот на 2017 година и тоа му помогна на престолонаследникот, принцот Мохамед бин Салман, да ја консолидира власта и на кралството да му припадни имот во вредност од 106 милијарди долари.
Граѓаните на Саудиска Арабија долго време се жалат на распространетата владина корупција и недомаќинско трошење или злоупотреба на јавните средства од страна на власта.
Комисијата наведе дека повеќе од 460 лица биле испитани во последниот круг, и дека како резултат на тоа, 207 саудиски државјани и жители биле приведени под обвинение за корупција, злоупотреба на власта и измама.
Обвинетите, кои се вработени во Националната гарда и голем број министерства, ќе бидат проследени до обвинителството, објави комисијата