Русија и порача на новинарка на Би -Би -Си што работи во Москва да ја напушти земјата до крајот на овој месец.
Властите во Русија и порачале на новинарката на Би-Би-Си, Сара Рејнфорд да ја напушти земјата како одмазда за, како што велат, „дискриминација на Лондон против руски новинари кои работат во Велика Британија“, објави државната телевизија.
Во невообичаен потег што навестува ново влошување на веќе лошите односи меѓу Лондон и Москва, телевизискиот канал Росија-24 објави дека Сара Рејнсфорд, една од двајцата новинари на Би-Би-Си кои што работат во Москва, ќе си оди дома во, како што ја нарекоа „историската депортација“.
Каналот тврди дека руските власти одлучиле да не ја продолжат акредитацијата на британската новинарка, која треба да работи како странска новинарка во Москва, по истекот на овој месец, кога воедно истекува и нејзината виза.
Потегот воедно преставува и контра мерка на Русија кон Британија, кој не ги одбри акредитациите за новинарите на телевизијата РТ и порталот Спутник кои известуваат од Лондон.
Портпаролката на руското Министерство за надворешни работи Марија Захарова изјави дека претставници на Би Би Си биле во министерството во последните денови и дека биле ифнормирани и им било објаснето во детали.
Таа додаде дека Москва многупати го предупредувала Лондон дека ќе одговори на, како што рече, прогонот на руските новинари и неиздавањето визи за известување од Велика Британија.