Нашата држава во чекор со ЕУ и сите останати земји во светот, се стреми кон вакцинација на населението и главната цел во овој момент е да се постигне колективен имунитет кој ќе овозможи што поскоро, нашите животи да се вратат во нормала, рече Филипче
Светот оди во правец целосно да се нормализира животот и движењето на луѓето коишто се вакцинирани, очигледно сите свесни дека тоа е единствениот правец да го вратиме нормалниот живот, изјави за медиумите министерот за здравство, Венко Филипче. Само вакцинирани луѓе во европските земји може да влегуваат на настани или во угостителски објекти. Секаде како критериум се бара вакцинацијата, а при патување не е потребен карантин за вакцинираните граѓани и на овој начин е обезбеден полесен и побезбеден живот, информираат од Министерството за здравство.
– Во тој поглед сме спремни, посебно со сертификатите. Интензивната работа на тимот кој работеше на сертификатите се исплатеше, еве сега тие сертификати за вакцинација се признаени, посочи министерот Филипче.
Нашата држава во чекор со ЕУ и сите останати земји во светот, се стреми кон вакцинација на населението и главната цел во овој момент е да се постигне колективен имунитет кој ќе овозможи што поскоро, нашите животи да се вратат во нормала.