Повратникот во македонската фудбалска репрезентација, Адис Јаховиќ очекува добри резултати на претстојните три натпревари во мундијалските квалификации.
Секогаш сум сакал да играм за мојата татковина. Повикот од новиот селектор ме радува и многу сум среќен што сум дел од националниот тим. Чувството е како и првиот пат кога бев повикан, кога имав 26 години. Ќе дадам се од себе да направиме добри резултати. Треба да одиме чекор по чекор, од натпревар во натпревар. Ни претстои средбата со Ерменија. Тој натпревар треба да го одиграме како треба, противникот добро е анализиран. Потоа ќе мислиме на Исланд, па на Романија. Трите натпревари се многу блиску. Се надевам на добри резултати и да ја израдуваме нашата држава, а воедно да покажеме дека сме кандидати за пласман на Светското првенство, изјави Јаховиќ.
„Црвено-жолтите“ на 2 септември ја пречекуваат Ерменија, на 5 септември гостуваат на Исланд, а три дена подоцна се домаќини на Романија.