Б92: Избори за претседател, вонредни парламентарни и за советници во градското собрание на Белград, на 3 април

Редовни избори за претседател на Србија и за советници во Собранието на град Белград, како и вонредни парламентарни избори, ќе се одржат на 3 април следната година, пишува Б92.

Како што е потврдено за порталот Б92, таквата одлука стои во предлог договорот меѓу власта и опозицијата во меѓупартискиот дијалог за изборните услови, кој се води без присуство на странци.

Состанокот меѓу претставниците на партиите е моментно во тек, а на текстот од договорот треба да дадат свое мислење и претставниците на опозцијата.