Граѓаните на Албанија, коишто немаат ниту еден од потребните документи по пристигнувањето во земјата, мора да бидат ставени во карантин десет дена. Во Албанија, исто така, во сила е полициски час од 23 часот до 6 часот наутро.
Во Албанија од денеска стапија во сила новите мерки против ширењето на ковид-19, кои предвидуваат дека ниту еден странски или албански државјанин не може да влезе во земјата без потврда за негативен тест за коронавирус или доказ за вакцинација.
При влегување во земјата, потребно е да се покаже сертификатот за вакцинација, со поминати најмалку две недели од целосната вакцинација, негативен ПЦР тест, не постар од 72 часа или антигенски не постар од 48 часа, или да се покаже потврда за прележан коронавирус.
Овие правила важат и за патниците што транзитираат низ Албанија, додека само децата до шест години се ослободени од тоа.
Граѓаните на Албанија, коишто немаат ниту еден од потребните документи по пристигнувањето во земјата, мора да бидат ставени во карантин десет дена. Во Албанија, исто така, во сила е полициски час од 23 часот до 6 часот наутро.
