Поранешниот американски претседател Доналд Трамп изјави дека ситуацијата во земјата не му остава друг избор освен да се кандидира на претседателските избори во 2024 година.
„Мислам дека нема да имаме избор. Тоа е срамота”, рекол Трамп за Фокс њуз, одговарајќи на прашање за неговата можна кандидатура во следната претседателска кампања.
Тој повторно го нападна претседателот Џо Бајден за начинот на кој се одвиваше повлекувањето на американската војска од Авганистан, нарекувајќи го „најголемиот срам во историјата на нашата земја“.
„Кога ќе го погледнете Авганистан и она што се случи таму… смрт без причина…“, рече Трамп, додавајќи дека родителите на војниците сакале да разговараат со него, а не со Бајден.
Трамп (75), исто така, рече дека не го гледа претседателот eо Бајден (78) доволно компетентен за оваа функција и додаде дека сегашната администрација ги зголемува поделбите во американското општество.
„Тие постојано велат дека сакаат да ги обединат луѓето, дека сакаат да бидат обединувачки фактор. Но, тие не се инклузивни. Тие многу, многу предизвикуваат поделби”, заклучи Трамп.