Истрагата за поранешниот генерален секретар на Владата, Драги Рашковски е во завршна фаза, вели шефицата на Обвинителството за гонење организиран криминал и корупција, Вилма Русковска во интервју за Радио Слободна Европа.На прашањето дали наскоро би имало обвинение, таа одговара потврдно.
– Истрагата е во завршна фаза. Го добивме материјално-финансиското вештачење. Се чека уште едно вештачење, треба до следната недела да стигне и тоа, и ќе се викаат осомничените да дадат своја одбрана, доколку сакаат, изјави Русковска, која прашана дали ова значи дека би имало обвинение, кусо одговори –Да.
Меѓу другото, истражителите работеле на тоа како може Рашковски да си дозволи гаранција од околу 500 илјади евра за замена на мерката притвор во домашен притвор, а во истрагата влегува и од каде му се парите за хациенда во Побожје.Тоа што објектот бил на име на децата на Рашковски не претставувало проблема за истрагата, вели Русковска за РСЕ.
– Не е проблем воопшто, затоа што и сегашниот закон предвидува доколку се утврди одговорност, се разбира, доколку судот утврди дека некој е виновен, има проширена конфискација и тука спаѓаат членовите на потесното семејство – сопруга, маж, деца, зависи кој е обвинет, така што тоа воопшто не е проблем и според постоечката законска регулатива, додава Русковска.
Во интервјуто за РСЕ, Русковска информира дека немало да се кандидира на изборите вгодина за уште еден мандат на јавен обвинител за гонење организиран криминал и корупција, зашто освен за сите само за оваа позиција изборите биле непосредни.Па вели, не мислам да водам јас сама кампања за моја кандидатура