Привремената бугарска влада одлучи да го продолжи рокот на попис на населението и домаќинствата до 10 октомври. Како што јави дописникот на МИА од Софија, продолжувањето на статистичката операција ќе обезбеди неопходно време на попишувачите за завршување на нивните активности и собирање на сите потребни информации во согласност со европското и со националното законодавство.
Националниот институт за статистика на Бугарија објави дека рокот за попис преку интернет истекува до 30 септември на полноќ. Дотогаш граѓаните на Бугарија ќе можат да се попишат преку информативниот систем „Попис 2021“.
Досега, 2.216.254 милиони луѓе се пребројани преку интернет, распоредени во 973.811 домаќинства.
Преку физичките попишувачи заведени се 1.954.116 милиони луѓе, а вкупниот број луѓе во Бугарија веќе е над четири милиони лица.