Во координирана полициска акција на локации над селата Лојане и Ваксинце, во месноста викана Топтел, над Кота Шорта, денеска биле пронајдени 39 илегални мигранти од Блискиот Исток, информираат од Министерството за внатрешни работи (МВР).
Акцијата, како што информираат од МВР, е спроведена во раните утрински часови, врз основа на наредба издадена од Основно јавно обвинителство за гонење на организиран криминал и корупција, а во координација на Националната единица за сузбивање на криумчарење мигранти и трговија со луѓе, во содејство со Одделот за специјални и посебни операции – Единица за брзо распоредување и полициска станица за граничен надзор „Сопот“.
По расчистување и документирање на случајот, во содејство со надлежниот Јавен обвинител за ГОКК, ќе биде поднесен соодветен поднесок.