Published: Monday, December 27, 2021 12:31
Вработен од битолскиот затвор на возраст од 47 години почина од ковид-19 во Клиничката болница во Битола. Ова го изјави директорката на Клиничката болница во Битола, д-р Билјана Гагачовска, за „Независен“.
Таа потврди и дека има 16 осуденици позитивни на ковид 19 во битолскиот затвор. Тие имаат лесни симптоми, а само едно лице досега е примено да се лекува во битолската болница.
– Пациентот беше примен во тешка состојба со добиен податок дека десеттина дена имал симптоми. Примен е на 24 декември поради влошена состојба и пад на сатурацијата. Иако му беше дадена соодветна терапија и преземени лекарски мерки, пациентот почина утрото на 25 декември, изјави д-р Гагачовска.
Според директорот на битолскиот затвор, Драган Крајовски, за сите 16 осуденици кои се позитивни на ковид-19 предложено е лекување во домашни услови со редовни контроли од медицинскиот персонал.