Комисијата за именување предложи, Владата прифати: Бучковски повеќе не е специјален претставник за Бугарија

Владо Бучковски е разрешен од функцијата специјален претставник за Бугарија. Одлуката е донесена на седница во Владата по предлог на Комисијата за именување.

Универзитетскиот професор и екс премиер ја презеде функцијата во декеммври во 2020 година, мандат што му беше продолжен минатиот месец. Засега нема образложение за ваквата владина одлука.

Назначувањето на Бучковски беше во насока на обидите за решавање на спорот со соседна Бугарија и да се создаде атмосфера за реализација на прашањата од интерес на двете земји опфатени со Договорот за пријателство и добрососедство.