Најмалку шест лица се повредени во несреќа на балон со топол воздух во околината на Љубљана. Во тек е акција за нивно спасување, а сè уште е непозната природата на повредите.
Полицијата соопшти дека била известена за несреќата околу 10 часот и дека, според првичните информации, се повредени шест патници, вклучувајќи го и управувачот на балонот.
Несреќата се случила на подрачје меѓу Љубљанско барје и населеното место Шкофљица.
На тоа место, во 2012 година, се случи и најтешката несреќа со балон на топол воздух во Словенија, досега и една од најтешките во светот, во која загинаа шест лица, а повеќемина беа повредени.
Големиот балон, по панорамското разгледување, имаше неуспешен обид да се спушти на земја за што беше попречен од силен ветар, па дел од патниците паднаа од корпата во која имаше 32 лица.