Почна доделувањето на наградите на Берлинале

Филмот на белгискиот режисер Феликс ван Гронинген, посветен на драматичните односи во семејство на музичари, денеска ја освои награда во една од главните селекции на филмскиот фестивал во Берлин.
Филмот „The Broken Circle Breakdown“ ја освои наградата на публиката во секцијата „Панорама“.
Режисерот Џошуа Опенхајмер ја освои награда за најдобар документарен филм во истата селекција за филмот „The Act of Killing“, што раскажува за убиствата на комунистите во Индонезија по воениот преврат од 1965 година.
Од гледачите на 63-ото издание на Берлинале било побарано да посочат свој омилен филм по 52-те кино проекции на филмови од 33 земји,
прикажани во секцијата „Панорама“, која ги претставува новите филмови
на познатите режисери, дебитатнтските обиди и новите кинематографски откритија.
Селекцијата на филмовите во „Панорама“ е поглед врз тенденциите во развојот на светското арт кино. Насловите во неа ги обединуваат спротивните артистички визии и комерцијални интереси.
Жирито на Берлинале вечерва ќе ги соопшти носителите на главните награди – сребрените и златни мечки, во главната програма на престижниот фестивал