120 илјади лица се водат како невработени, според податоците на Агенцијата, вели директорот на Агенцијата за вработување, Беким Мурати во неделното интервју на РСЕ.
Вели дека сe бара скоро од сите профили – ИТ техничари, се бараат келнери, општи работници, работници за градежништво, итн.
-Во склоп на пандемиската криза и сега економска криза, реално не може да се очекува некое поголемо движење затоа што гледаме дека и другите земји коишто се многу поразвиени од нас имаат проблеми со невработеност и со загуба на работни места на одредени позиции. Наше е за наредната година да предвидиме повеќе средства за тие граѓани кои ќе изгубат работа по кој било основ или кои се невработени, да им нудиме можност за нивно усовршување и сè полесно да се вклучат на пазарот на трудот, вели Мурати.