Published: Tuesday, May 17, 2022 08:00
Градоначалникот на Киев, Виталиј Кличко уште еднаш апелираше до жителите кои побегнаа на побезбедни локации да не се враќаат во главниот град на Украина.
„Не можеме да гарантираме безбедност за сите со 100% сигурност“, изјави Кличко за Би-Би-Си.
Градот „полека се враќа во живот“ по повлекувањето на руската армија, се отвораат кафулиња и барови, но Киев и понатаму е „мета на руските агресори“.
Тој повика на претпазливост на сите жители кои се враќаат во главниот град на Украина. Тој нагласи дека тоа го прават на сопствен ризик бидејќи нема гаранција за нивната безбедност. Кличко кажа дека руските напади може да се случуваат секоја секунда.