Долно Лисиче за само две недели добило ново спортско игралиште, а според коментарите на социјалните мрежи, граѓаните велат дека се работи за неурбанизирана парцела која за кратко прераснала во модерен објект.
Според градоначалникот на Аеродром, Тимчо Муцунски реконструкцијата и проширувањето на кошаркарското игралиште во Долно Лисиче опфаќа поставување нов асфалт, нови кошаркарски конструкции, пластифицирани табли, нови кошеви и обрачи, како и клупи и канти.
Општина Аеродром во соработка со УСАИД за овој проект обезбедил над 600.000 денари.
„Со новото реновирано игралиште во Долно Лисиче младите од овој дел на Аеродром конечно добија соодветно и модерно место за спортување. Ова е еден од многуте проекти кои се планирани за Долно Лисиче. Се грижиме за еднаков развој на сите делови од Општина Аеродром, вели Муцунски.
Градоначалникот Муцунски заедно со лидерот на опозицијата вчера го посетија училиштето „Блаже Конески“ каде првпат од кога е изградено училиштето се инвестира во нова енергетска ефикасна фасада, а вредноста на проектот е над 100.000 евра и се смета како една значајна инвестиција во училиштето.