Создавањето на градоносните облаци обично е на височина од 3.000 до 5.000 метри, а пилотите избираат дали облакот ќе го засејат одоздола, бочно или одозгора и колку ке се доближат до него, бидејќи се работи за кумулонимбус или облак кој во себе содржи голема енергија, додава Тодоровски.
Под влијание на влажна и нестабилна маса денеска попладне и за време на викендот времето ќе биде нестабилно со пороен дожд, грмежи и засилен ветер. Локално ќе има невреме со интензивен пороен дожд, силни електрични празнења, силен ветер (над 70 км/час) и појава на град. В недела дневната температура ќе се намали за неколку степени, прогнозираат синоптичарите од УХМР.
Со авионско засејување против градоносните облаци
За тоа како ќе се заштитиме од опасните врнежи од град кои во Хрватска и Србија деновиве предизвикаа големи штети на насадите, а настрадаа и пластеници, покриви на куќи и на автомобили, односно со колку авиони и со каква опрема УХМР ќе ги разбива градоносните облаци, од оваа институција за НоваТВ објаснуваат:
– Активната заштита од град во РС Македонија со противградобијни ракети е укината во 2011 година, по повеќедецениско постоење. Во 2020 година како пилот проект е воведена заштита преку авионско засејување на градоносните облаци со реагенс на база на сребројодит односно истиот реагенс кој се користел и во ракетите, а сега е концентриран во палки кои ги носат авионите кои ги засејуваат облаците и истите кога ќе се запалат го испуштаат реагенсот. Овој вид на заштита е направен и 2021 година, а негово спроведување е во тек и оваа година, вели директорорт на УХМР, м-р Ивица Тодоровски.
Тој ја појаснува методологијата на заштита:
– Кога радарските центри на УХМР во Тополчани и Ѓуриште ќе детектираат создавање на градоносен облак се јавуваат кај економскиот оператор со авионите и му даваат азимут и висина на облакот, како и количина на реагенс со која треба да се засее. Создавањето на градоносните облаци обично е на висина од 3.000 до 5.000 метри, а пилотите избираат дали облакот ќе го засејат одоздола, бочно или одозгора и колку ке се доближат до него, бидејќи се работи за кумулонимбус или облак кој во себе содржи голема енергија, додава Тодоровски.
Еден час порано може да се предвидат насоки на движење на облаците и количината на вода
– Има оштетувања на имот, на магацински простор, од мини-торнадото, односно ветришка, какошто го нарекоа силниот ветер, а падна и дрво врз семејна куќа, а веќе има барање за санација на покривот.Излеговме на терен за да видиме каква штета е направена од силниот ветер, којшто го изблокира и патот со градежен шут. Инаку, невремето се случи за само 15 минути и мислам дека тоа никој не би можел да го предвиди, вели Цветковски.
На прашањето има ли податок колку земјоделци во Лозово ги осигуруваат насадите од елементарни непогоди, тој изјави:
– Незнам, тоа е индивидуално право на секој земјоделец, но факт е дека години наназад пред жетва се случува да падне град и да направи сериозна штета на насадите. Поголемиот дел, за жал, од ситните земјоделци не ги осигуруваат насадите, додека покрупните најчесто ги осигуруваат, додава Цветковски.
Љубица Балабан