Предлогот требаше да го објави премиерот Димитар Ковачевски на веб страната на Влада. Бараме да го видиме предлогот на виделина, за јавноста да не биде подложна на шпекулации. Нема да прифатам промена на уставот, по цена на мојата политичка кариера, посочи вечерва претседателот на ВМРО-ДПМНЕ Христијан Мицкоски.
„Лага е на Владата дека не биле запознаени со предлогот, лага е и тоа што ова сега го претставуваат како голем успех, а не сме го виделе и прочитале. Врз основа на информациите со кои ние располагаме се само два сменети збора, односно ако имавме нокаут на македонската дипломатија, сега имаме нокаут со продолжено дејство“, рече Мицкоски.
Од каде Еди Рама ја има таа информација за предлогот е втората причина, вели Мицкоски, а првата е што бугарската влада во оставка веднаш го прифати.
„ВМРО-ДПМНЕ никогаш нема да прифати штетен договор, а Владата веднаш да го објави предлогот , да не го крие“, дополни Мицкоски.