Курти по разговорите со Вучиќ во Охрид: Србија бега од потпишување на договорот

Косовскиот премиер Албин Курти по средбата во Охрид со српскиот претседател Александар Вучиќ изјави дека Србија бега од потпишување на договорот.

„Постигнавме јавен договор за анекс кој ќе го води спроведувањето на основниот договор. Другата страна бега од потпишување на договорот…сега со анекс. Останува на Европската унија да најде механизам статусот на овој договор да го направи правно обврзувачки. Што се однесува до Анексот, тој ќе биде објавен на порталот на ЕУ и таму ќе разберете што има, а што нема“, рече Курти.