Close Menu

(ВИДЕО) Внесувањето на Бугарите и други етнички заедници во Уставот нема да ги намали правата на другите

0
By on ВЕСТИ, ОПШТЕСТВО, ПОЛИТИКА
Published: Thursday, June 29, 2023 16:11

ЦИВИЛ денеска одржа панел дискусија на актуелната тема уставни измени со кои во Уставот ќе се внесат граѓаните со бугарско етничко потекло.

Учесници на панелот беа Ерол Ризаов, уредник во Независен.мк, Мирослав Јовановиќ,  директор и главен уредник на Слободен Печат и Зоран Иванов, уредник. Панелот го водеше новинарот Љубиша Николовски.

На панелот се дебатираше за тоа дали се лажни или реални  стравувањата за внесување на Бугарите во уставот, колку се лажни или реални опасностите поради партиски хирови земјата да ги запре преговорите со Унијата, колку е лажно или реално стравувањето дека на земјава и претстои изолација доколку во ноември не ги исполни условите за одржување на втората меѓувладина конференција со ЕУ и не отпочне со отворање на тематските интегративни кластери? Лажно или само гол борба за власт се условувањата за негласањето на со рамката договорените уставни промени…
Ерол Ризаов, уредник во Независен.мк посочува кон улогата на медиумите и нивниот придонес кон креирање правилни наративи за придобиките од влезот во Европската унија.
„Медиумите треба да се насочат кон тоа да им објаснат на граѓаните кои се придобивките од Европската унија, односно што ќе добиме или ќе изгубиме ако станеме дел од ЕУ… Придобивките од влез во ЕУ не се да ја замислуваме Европа како голем банкомат кој ќе ни дава пари, туку придобивките се многу повеќе од тоа. Прифаќањето на европските вредности во еден долг процес“, вели меѓу другото Ризаов.

Мирослав Јовановиќ, медиа директорот и главен уредник во Слободен печат порача дека внесување на кои било други етнички заедници во нашиот Устав не значи намалување на правата на другите.

„Европската унија е најпросперитетното општество на земјината топка,  и ние тежнееме да станеме дел од тој клуб… Давањето на права на одредена заедница јас го гледам како цивилизациска вредност. Внесувањето на Бугарите и други етнички заедници во Уставот нема да ги намали правата на другите“, вели Јовановиќ.

Новинарот Зоран Иванов посочи за неоснованиот страв на граѓаните за губење на идентитетот со внесувањето на Бугарите во Уставот.

„Внесување на Бугарите се само алатка за да ги почнеме преговорите со ЕУ. Околу 80 отсто од граѓаните стравуваат дека ќе ни го земат идентитетот, но не можат да објаснат како ќе ни го земат“, вели Иванов.

 

Камера и фотографии: Дехран Муратов

Монтажа: Ариан Мехмети

Share.