Иранката Наргес Мохамади е добитничка на Нобеловата награда за мир за 2023 година оваа година.
Норвешкиот Нобелов комитет денеска и ја додели престижната награда за нејзината борба против угнетувањето на жените во Иран.
Мохамади беше избрана меѓу 351 кандидати, меѓи кои 259 поединци и 92 организации.
Мохамади е позната по нејзината борба против репресијата на жените во Иран.
Иранската активистка и новинарка ја почна својата повеќедецениска кариера промовирајќи го граѓанското општество и правата на жените, а денес работи од затвор противејќи се на условите во кои се чуваат таа и другите затвореници.
Обвинета за „ширење пропаганда“, 51-годишниата жена одлежува десет години во озлогласениот затвор Евин во Техеран. Минатата година, таа објави книга „Бела тортура“ за употребата на самицата и сетилната лишување од страна на Иран против неа и другите затвореници.
На годишнината од смртта на Амини, Мохамади и другите организираа протести во затворот Евин, палејќи ги нивните шамии, се вели во објавата на еден од нејзините профили на социјалните мрежи.
Нобеловата награда за мир е признание за посебни заслуги во областа на обединувањето на народите, разоружувањето или намалувањето на светите или регионалните воени потенцијали, политичкото и друго образование, како и одржувањето на мировни конференции.
Оваа награда, како и другите Нобелови награди, е донација на шведскиот пронаоѓач и производител Алфред Нобел, а од 1901 година се доделува секоја година на 10 декември на настан во Осло, на денот на неговата смрт.