Студентите во блокадата ги повикаа граѓаните да истакнат протестни знаци насекаде во нивните градови, општини и села пред големиот митинг во Белград во сабота на 15 март.
„Ги повикуваме сите граѓани со своите постапки да ги исткаат нишките на поддршка во големото знаме на отпорот. Секој транспарент на излогот, секој постер во продавницата, секоја порака на автомобилот – тоа се искри што го осветлуваат пламенот на единството. Замислете ја Србија како река која тече кон една цел – секој град, секое село, секоја улица нека стане нејзина притока, носејќи силна порака кон 15 март, денот кога Србија мора да биде во Белград, на најмасовниот митинг досега“, изјавија Студентите во блокада.
Порачаа дека 15 март треба да биде ден кој Србија нема да го заборави.
View this post on Instagram
Студентите од другите краеви на Србија тргнаа пеш кон Белград за да стигнат на големиот протест.
Студентите од Ниш ноќта ја минаа во Свилајнац и денеска пешачат до Смедеревска Паланка која, како што велат, им е најтешката делница. Учениците кои патуваа од Суботица, откако ноќеваа во Србобран, го продолжија патувањето кон Нови Сад. А денеска кон Белград се упатуваат и студенти од Западна Србија – од Чачак, Краљево и Ужице