Вонредна прес конференција на Ана Чупеска, потпретседателка на СДСМ.
Прес конференцијата започна со минута молк за жртвите од трагедијата во Кочани.
Чупеска изрази длабоко сочуство на семејставата и блиските на жртвите и посака брзо закрепнување на повредените.
Денеска на овој трагичен ден како одговорна партија сепак оставивме институциите да ја вршат работата без да ги попречуваме со политичко дневни препукувања.
Денеска немавме намера да држиме прес конференции, да отвараме политички прашања или да критикуваме .
Последната прес конференција на Тошковски не остави без зборови и не принуди да реагираме.
Леснотијата со која министерот ја отфрли од себе вината и од министерството со кое раководи една година е стравично.
Да го потсетиме Тошковски дека е министер 13 месеци. СДСМ веруваше дека тој ќе има доблест да ја каже вистината и дека прецизно ќе ја лоцира вината и дека нема намера никој да биде поштеден од овие настани.
Наместо тоа Тошковски реши да политизира и да обвинува други кога тој лично е министер веќе цела година , а владата ги има сите иснтиутции на располагање 9 месеци.
Бидејќи никој до сега не ги постави клучните прашања за овој настан ние денеска затоа сме на прес да ги поставиме тие прашања.
Министре Тошковски нели е срамно да не поднесете оставка вие и сите во институциите во услови во кои цела година оваа дискотека работи без лиценца?
Чија е одговорноста ако не ваша ?
Одговорете и на јавноста како полицијата била таму како што и самиот кажавте и притоа не ја затворила дискотеката која очигледно работела надвор од сите стандарди.
Како оваа дискотека оваа кобна ноќ работела до 3 часот?
Дирекција за зашитита и спасување треба еднаш годишно да прави провери за безбедности стандари на сите објекти, дали ова било направено?
Понатаму, како што се гледа од снимките пожарот е настанат од пиротехнички метријали зошто молчите дека токму МВР ги издава и контролира овие компании и поединци кои управуваат овие средства.
Дали и кој е приведен и против кој ќе има постапка во МВР.
Дали е точно дека ова лето дискотеката била реновирана и пуштена во употреба, кој дал согласност за тоа?
Министре Тошковки за крај сакаме да ви порачаме една работа во овие момент имавте голема можност да докажете дека сте професионалец но и дека сте човек, жалиме што со вашето однесување и пропаганда на социјалните мрежи решивте да брутално го политизирате овој трагичен настан настан. Нека ви служи на честа и нека ве следи вечно.
СДСМ бара темелна и независна постапка за целиот случај, оваа трагедија да се истражи до крај, граѓаните да ја добијат вистината.
Чупеска за крај апелираше до сите да не го политизираат случајот бидејќи е ужасно и болно.