Денска во 12 часот пред платото на УКИМ студентите се собраа да запалат свеќи за жртвите од пожарот во дискотеката во Кочани, да положат цвеќиња и да искажат поддршка на повредените.
Беа поставени и пунктови за донации и книга на жалости пред правниот факултет.
Занемени сме од тага,шок неверување, немоќ, не ни останува нипто друго освен да го покажеме нашето заедништво
Од името на УКИМ и од мое лично име изразувам најдлабоко и најискрено сочуство. НИвната загуба е и наша, колектива, Ве повикувам да ј апокажеме нашата хуманост и солидарност, се обрати ректорката Билјана Ангелова.
Нејзиниот говор беше прекинат за да помине медицинска екипа.
Беше побарано доколку има студенти од медицина да се упатат кон правниот факултет да укажат помош.
Ректорката потоа извести дека студентот на кој му се слошило е добар и укажана му е помош.
Се обрати и министерката за образование Весна Јаневска. Таа пред се се заблагодари на студентите за нивното приуство.
Овде сме сите заедно за да им помогнеме на живите да ја преболат тагата, рече таа.
И говорот на министерката беше прекинат. Претседателот на УКИМ извести дека повикани се неколку амбулантни возила. А толпата насобрани студенти почна со извици „уа, уа“ при што министерката си замина и не го продолжи говорот.
Претседателот на студентското собрание рече дека ова не е протест туку собир кој треба да помине во мир и тишина.
После ова говорите не продолжија. Претседателот на УСС -УКИМ рече дека цела недела ќе породлжат собирите, ги повика сите да присуствуваат.