Прекинот на огнот што Русија го прогласи во зоната за специјална воена операција за Велигден истече на полноќ по московско време, при што и Русија и Украина изнесуваа различни тврдења за почитување или прекршување на примирјето.
Прекинот на огнот, кој стапи на сила на 19 април во 18 часот, беше на сила за време на велигденските празници.
Експлозии утринава се слушнаа во неколку украински градови, меѓу кои Николаев, Черкаси и Херсон, за време на воздушната тревога што беше прогласена ширум Украина.
Градоначалникот на Николаев, Александар Сјенкевич, преку Телеграм ги потврди експлозиите во тој град, нагласувајќи дека тревогата се уште е на сила, пренесе Укринформ.
„Во Николаев се слушнаа експлозии. Тревогата продолжува“, е наведено во пораката на градоначалникот.