Published: Saturday, April 26, 2025 17:52
Русија ја врати контролата врз Курск, пограничниот регион каде Украина изврши ненадеен напад минатата година, изјави денеска рускиот претседател Владимир Путин.
Во својот говор тој рече дека повторното заземање на Курск создава услови за понатамошни успешни операции на фронтот.
Нема реакција од Кијив на тврдењата на Путин но, претходно, украинскиот Генералштаб изјави дека украинските сили сè уште дејствуваат во Курск.
Украина ја започна својата ненадејна инвазија на Курск во август, брзо заземајќи ја оваа руска територија.
Оттогаш, Русија се бори за протерување на украинските трупи, додека Кијив посвети вредни ресурси за одржување на контролата врз регионот.