Белград: Српската држава многупати се соочуваше со ултиматуми од странски големи сили. И овојпат, странските сили ни испратија ултиматум преку домашни послушници. Одговорот на српската држава беше секогаш ист… Ултиматумот не е прифатен, не мора да чекате до 21 часот утре“, рече Вучиќ.
Тој додаде дека властите биле подговтвени да разговараат со сите, но тоа било протолкувано како слабост.
Вучиќ ги повика „сите млади луѓе да ја спасат Србија“, и додаде дека е добро што утре е Видовден бидејќи „тогаш се ќе се види“.
Пред протестот закажан во Белград за 28 јуни, кој го свикаа студентите, со две барања – властите да распишат вонредни парламентарни избори до 21:00 часот в сабота,
Второто барање е да се запре собирот во центарот на Белград – каде што противниците на блокадите, кои се нарекуваат себеси „студенти кои сакаат да учат“, кампуваат во изминатите три месеци. Тие истакнаа дека, доколку тие барања не бидат исполнети до 28 јуни во 21 часот, очекуваат „дека граѓаните ќе бидат подготвени да ги преземат сите постоечки мерки на граѓанска непослушност“.
Компанијата „Србијавоз“ попладнево ги откажа сите поаѓања на патнички, откако добиле дојава за „поставени експлозивни направи“.
По студентите и активистите од Србија, денеска беше приведен и црногорскиот режисер Данило Маруновиќ, и по информативниот разговор во Безбедносно-информативната агенција (БИА), му беше наредено да ја напушти земјата. Вечерва Црногорскиот народен театар треба да изведе претставата „Господа Глембаеви“, чија режија е на Маруновиќ. Објавија дека – „Вечерва играме за слобода на мислата, слобода на говорот, слобода на играта.
Групата луѓе кои се нарекуваат себеси „студенти кои сакаат да учат“ ќе организираат литературна вечер во Пионирски парк истиот ден, на која меѓу другите, ќе учествува и Драгослав Бокан, избран пред неколку денови за претседател на Управниот одбор на Народниот театар во Белград и основач на паравоената формација „Бели орли“ од војните во 90-те години, јавија белградски медиуми.