Тито Петковски: Во спортската сала во Куманово, на меѓудржавен кошаркарски натпревар и во присуство на македонскиот дел од раководствотона чело со премиерот на македонската влада, дел од публиката скандираше националистички и шовинистички пароли против Албанците.
На Градскиот стадион во Скопје, во присуство на албанскиот дел од државното раководство, на чело со претседателот на македонското Собрание, најголемиот дел од публиката скандираше иредентистички и шовинистички пароли против Македонија и Македонците.
На прашања од новинарите упатени до премиерот на Владата и претседателот на Собранието што мислат за криминалното однесување на дел од публиката во Куманово и во Скопје и двајцата го дадоа истиот одговор – ниту нешто виделе ниту нешто чуле.
Добро, на секој човек може да му се случи да има проблем со ушите и очите, но во овој случај се работи за здравјето на челните луѓе на државата и тука нема шега.
Загрижен за иднината на државата, црни мисли ми поминаа низ главата. Ако државното раководство не можеше да го види и да го слушне урлањето на македонските и албанските националисти во спортска сала и на фудбалски стадион, како ли ќе ги види и слушне проблемите на тивките и невидливи граѓани?
Извор: Фејсбук