Нема краток пат до евроинтеграцијата – потребни се лидери за кои реформите се над секојдневните работи и знаат како да решаваат билатерални прашања. Ваква порака испрати еврокомесарката за проширување Марта Кос од Бледскиот стратешки форум во Словенија.
На отворена панел сесија – Кос порача дека члеството не е само тоа што се прави во Брисел и дека процесот не може да биде успешен ако нема лидери кои веруваат дека ЕУ е најдоброто нешто. Ги пофали албанскиот премиер Рама и црногрорскиот премиер Спајиќ за посветеноста кон европкиот пат.
Нема пократок пат. Зборувавте за ветувањето на г-дин Борел. Тој зборуваше дека двете страни треба да бидат подготвени до 2030та година – земјите кандидатки, но исто така и ние.Но за да можеме да ги примиме новите земји-членки, тие мора да испорачаат. Потребни ни се лидери кои може да ги стават реформите пред секојдневните активности, кои знаат како да решат билатерални прашања, изјави Марта Кос -еврокомесарката за проширување.
Ако се однесуваме на штетен начин некои земји нема да пристапат никогаш, порача хрватскиот премиер Пленковиќ. Изјави дека Македонија е најдобриот пример – дека ставањето на билатерални прашања во процесот не е здрав начин на преговарање.
За време на дискусијата, билатерализацијата се нарече – отровна алатка која го контаминира ЕУ процесот, а Пленковиќ им даде и совет на кандидатките – да внимаваат на тоа што зборуваат големите земји како Франција и Германија.
Северна Македонија беше понапредна од Хрватска за време на Загребскиот самит во 2000год. Тие го потпишаа Договорот за стабилизација и асоцијација на 24 ноемврси 2000год. Бев таму, па се сеќавам на тоа. И поминаа 25 години. Тие се уште не го започнале процесот на пристапувања на вистински начин, а ние сме членка повеќе од 12 години. Ако се однесуваме на штетен начин, некои земји никогаш нема да се приклучат на Европската Унија. А ние не се однесуваме така – официјално, изјави Андреј Пленковиќ премиерот на Хрватска.
Албанскиот премиер Еди Рама порача дека ЕУ конечно направи чекор и се ослободи од фразите дека го Сака Западен Балкан во унијата но не е спремна да преговара.
Иако Европа не натера да претрпиме многу, ние сме целосно убедени дека еден ден ќе станеме земја-членка. Значи, конечно, ги отсранија некои од непотребните пречки, кои со години велеа- ве сакаме, но не сме подготвени да разговараме со вас. ВЕ сакаме, но сега тие разговараат. Значи, има напредок, како што вели Марта, јас велам дека е базирано на бра – таа вели дека е базирано на заслуги. Па затоа треба да го заслужиме тој брак, изјави Еди Рама премиерот на Албанија.
Едногласноста не е правото на вето, туку напротив, посебна одговорност за секоја земја-членка да гради компромиси во духот на лојална соработка, Антониот Кошта претседателот на ЕС за време на отворањето на форумот. Изјави дека Унијата не е затворен клуб.
Европската Унија не е затворен клуб. Ние сме заедница на вредности и проект за мир и просперитет. И тој проект се уште не е завршен. Патот за пристапување на Западен Балкан, Молдавија и Украин не се само ветувања. Тие се приоритети, изјави Антонио Кошта претседателот на Европскиот Совет.
На дводневниот Бледски стратешки форум присуствува и шефот на дипломатијата Муцунски, кој ќе се обрати на панел-дискусијата „Нема регион за младите – време е за промени“.
Паралелно со Блед, во Копахгаен денеска и утре, шефовите на дипломатии на ЕУ, заедно со кандидатките за членство, ќе зборуваат за проширувањето на Унијата и Копенхашките критериуми.
Текстот е сопственост на 24 вести.мк