https://www.youtube.com/watch?v=eyTgMSAEHTs
Најмалку двајца боммбаши самоубијци се разнесле пред полициска станица во областа на Ставропол, југозападна Русија, но нема жртви, јавија руските медиуми.
Сепак, информациите за тоа колку бомбаши имало се различни.
Според Раша тудеј имало најмалку двајца до четворица напаѓачи, додека Спутник повикувајќи се на имнформации од полицијата јави дека се работи за тројца самоубијци кои се разнесле, а четвртиот наводно бил убиен.
Руското Министерство за внатрешни работи соопшти дека двајца напаѓачи биле убиени во обид да ја нападнат станицата, при што едниот го убиле припадници на полицијата кога се обиде да се пробие, додека другиот го активирал експлозивот.
Очевидци тврдат дека се слушнале 5 експлозии.
-Инцидентот ги има сите елементи на терористички напад, соопштија од Министерството.
Ова не е прв ваков напад врз припадници ан безбедносните сили на југот на Русија последниве недели.
На 29. март на колона полициски возила во Дагестан беа фрлени две бомби, при што загина еден полицаец, а двајца се повредени. Одговорноста за нападот ја презеде Исламската држава.