Демократската Унија за Интеграција ја поздравува денешната одлука на Собранието на Република Македонија за измена на Законот за помилување, сметајќи дека со ова се овозможува решавање на големиот проблем со кој се соочува Македонија по одлуката на Иванов за аболиција на 56 лица.
На денешната седница пратениците од ДУИ и ВМРО-ДПМНЕ гласаа без присуство на опозицијата.
– По создавањето на законските услови за повлекување на одлуката за помилување, ДУИ, како потписник на Договорот од Скопје за надминување на политичката криза, бара г. Иванов да дејствува веднаш во согласност со неговите јавни изјави и да ја промени својата одлука за помилување. Исто така, ДУИ ги охрабрува сите 56 помилувани лица што е можно поскоро да упатат барања до г .Иванов за да се повлече одлуката која беше донесена без нивна согласност и да овозможат правдата да ја обелодени вистината, се вели во соопштението на партијата на Али Ахмети.
Оттаму велат со прецизност ќе работат на реформирање на институциите во согласност со очекувањата на Евро-атлантската заедница и ги повикуваат другите парламентарни партии на конструктивен начин да го помогнат сложениот реформскиот процес за постигнување до веродостојни и сеопфатни избори.