Денешниот марш на Шарената револуција започна како и вообичаено, пред седиштето на Специјалното јавно обинителство. Но она што го одбележа протестот е пораката „Ова ќе биде Министерство за правда“, испишана во бои на фасадата на инситуцијата, алудирајќи од страна на демонстрантите, дека неговата фунцкија во моментов е во ќор-сокак. Додека се фрлаше нова доза боја на и онака веќе обоеното Министерство, граѓаните кои беа дел од денешниот протест извикуваа „Шутка не ти бега Никола“.
Протестот се движеше на релација СЈО-Влада-Собрание, каде што пред големиот број граѓани се обратија Лидија Димова, пратеничка во Собранието и Рената Јајоска, член на СДММ. И двете во своите говори порачаа дека за лидерот на ВМРО-ДПМНЕ и поранешен премиер, Никола Груевски, место во следната власт не смее да има и дека тој требало да заврши во затвор, одговарајќи за како што велат, криминалот извршен врз народот.
На денешниот протест повторно беа присутни куклите со ликовите на Никола Груевски, Гордана Јанкулоска, Мартин Протугер, Миле Јанакиески и Сашо Мијалков, во импровизиран затвор како дел од маршот.
Боја и на денешниот протест се фрлаше кон фасадата на Законодавниот дом. Визуелно за тоа како се одвиваше протестот во видеото.