Германскиот парламент е пред одобрување на Резолуција со која ќе прогласи дека масовното убивање на Ерменците од отоманските Турци за време на Првата светска војна беше “геноцид“.
Турците од друга страна строго опонираат на резолуцијата на Бундестагот и ги предупреди дека со ова може да се вложат односите.
Според Ерменците, над 1.5 милиони луѓе загинале во злосторствата во 1915 година, додека според Турција бројката е значително помала и не се работи воопшто за геноцид.
Дека се работи за геноцид тврдат повеќе од 20 земји, меѓу кои и Франција и Русија, а помеѓу видните личности и Папата Францис.
Канцеларката Ангела Меркел нема да гласа во Бундестагот но нејзината партија како и коалиционите партнери, ја поддржуваат оваа резолуција.
Одлуката од германскиот Парламент ја очекуваат сите во ЕУ, бидејќи се случува во момент кога е постигнат договор со Турција за бегалската криза.
Анкара прифати да ги врати назад бегалците, вклучувајќи ги и Сиријците кои пристигнуваат на грчките острови, со договор за укинување на визите за Турците во повеќе земји во Европа.