Кривичниот суд одлучи да ја укине мерката куќен притовор на демонстрантите Здравко Савески и Владимир Куновски и да им се одредат мерки на претппазливост – одземање на патни исправи и јавување во одреден временски период во судот. Одлуката стапува на сила за три дена, а на ваквиот предлог се согласи и обвинителката Снежана Бундалеска, која побара и мерка за ограничување на движење, со оглед на тоа дека има најава за протести, што беше одбиено.
По завршувањето на денешното рочиште, еден од обвинетите демонстранти и член на партијата „Левица“ – Владимир Куновски истакна дека во првите денови на неговиот притвор во неговиот дом го посетиле полицајци во 17 различни униформи. Тој се заблагодари на владејачката партија за целиот маркетинг кој е направен на партијата „Левица“ со апсењата.
-Да се заблагодарам на раководството на партијата во стечај ВМРО-ДПМНЕ, бидејќи ни направија голем маркетинг и ни помогнаа да стигнеме до каде што сме сега. Би се заблагодарил и на Обвинителството кое даде школски пример што се двојни стандардни, меѓутоа е и разбивач на митови, бидејќи понуди докази во кои се гледа напад на службените лица, поточно на старешини на ЕБР, меѓутоа како што знаете до сега нема покрената ниту една кривична постапка за напад на службено лице. При нашето приведување беа присутни 12 припадици на Алфите и во првите денови на нашето приведување јас изброив до 17 различно униформирани полицајци кои дојдоа на домашна адреса, рече Куновски.
Од судот посочија дека ќе им треба дополнително време за главната расправа до 6 јули, бидејќи ќе треба да се прибави и договорот за закуп на Канцеларијата на Иванов, со цел да може да се докаже дали таа е во државна сопственост или во приватна.
Адвокатите на обвинетите денеска приложија имотен лист од Народната канцеларија со денешен датум, според кој овој простор не е соственост на РМ и според тоа не може државата да бара оштета.
-Дадоме приговор на вештачењето, ато ашто сметаме дека вештачењето е направено од неовластено лице. Не може државнито правобранител самостојно да изготвува вештачење без наредба од обвинител. Друга работа за коај приговараме е сопственоста на тој простор. Согласно имотните листови, сежи, извадени пред два часа, нигде не стои дека сопственик на Кацеларијата на Претседателот е Република Македонија. Епа како сега РМ бара штета, освен за столовите и подвижнит епредмети, туку и за градежните работи кога не се јавува како сопственик?, рече адвокатот Сашко Дуковски.
Денеска пред судот, поддршка на двајцата демонстранти и членови на Левица им дадоа нивните сопартијци и дел од учесниците на Шарената Револуција.
Савески и Куновски се обвинети со учество во толпа која извршила кривично дело демолирање на Канцеларијата на Иванов, а време на антивладините протести на 14. април.