Нови контроверзии од Европското првенство во фудбал но и натпреварувањата на ниво на Европа генерално. Поранешниот претседател на ФИФА, Сеп Блатер вели, некои дуели биле наместени со топли и ладни топчиња при извлекувањето.
Блатер, кој отслужува 8-годишна забрана од фудбалот, како дел од истрагите на ФИФА за наводна корупција за време на неговото управување, сепак тврди дека ниедно извлекување на светско ниво не било лажирано.
Како што тврди поранешниот претседател на ФИФА, овој трик бил употребен само на ниво на Европа.
– Никогаш не сум ги допрел топчињата. Секако, може да се одбележат со затоплување или со ладење. Сум бил сведок на европско ниво, но не и во ФИФА, тврди Блатер за аргентински весник.
Одговарајќи на истрагите од страна на САД и Швајцарија, во кои Блатер се товари за корупција, поранешниот прв човек на ФИФА ги отфрлува сите обвинувања на негова адреса.
– Блатер не е корумпиран, пробаа да најдат нешто околу мене, но нема никогаш да се случи тоа бидејќи не ги прекршив законите кои важат во Швајцарија. ФИФА не е корумпирана. Една организација не може да биде, туку луѓето во неа, одговара тој.