По 85 отсто избројани гласови конзеративната Народна партија (НП) на Маријано Рахој изби на чело по денешните избори во Шпанија. По неа најмногу гласови освои Социјалистичката партија на Панчо Санчез а потоа левата радикална коалиција Унидос Подемос.
НП освои 136 места во Парламентот но сепак е далеку од апсолутно мнозинство кое изнесува 176 места од вкупно 350 седишта во Парламентот.
Социјалистите освоија од 88 до 90 места.
Во декември фрагментирањето на гласовите помеѓу четирите најголеми партии спречи формирање влада и доведе до политички ќорсокак поради кој наново беа распишани избори, по само шест месеци.
По британскиот референдум Рајох ги предупредуваше гласачите да не “експериментираат” и да не гласаат за “екстремисти и радикали”. Но тоа не влијаеше многу на гласачите.
Коалицијата Унидос Подемос – формирана пред две години помеѓу Подемос и партијата Изгиерда Унида, наследник на Комунистичката партија, освои 71 место. Тоа е за две места повеќе од 69 освоени места на изборите во декември 2015 година.
Иглезиас изјави дека сака да формира влада со социјалистите кои тој ги нарекува “старата социјал-демократија”. Но тензиите помеѓу двете партии се силни па така нивното сојузништво во нова влада се чини тешко изводливо.
Конечно, четвртата голема партија – либералите од Куидаданос – освоија 29 седишта, помалку од 40 освоени во декември.
Рахој се откажа од формирање Влада поради тоа што ниту една партија не сакаше да владее со НП која е ослабната поради бројните корупциски скандали и политиката на штедење наметната за да се излезе од економската криза.
Маријано Рахој
Рахој се надева на поделби помеѓу левите партии што би му дозволило на формира влада и да избегне трет обид преку нови избори.
Најдобро резиме на политичката ситуација во Шпанија даде еден гласач, Џонатан Мора, кој за агенцијата АФП изјави:
“Сакам генерална длабока промена. Унидос Подемос е единствената партија што тоа може да го направи. Сакам да корумпираните да бидат избркани, да се земат во предвид социјалните прашања и политичарите да го чујат граѓанинот”.
Преговорите за нова Влада повторно ќе бидат долги и напорни.