По герила-акцијата и прес-конференција на невладините граѓански организации кои побараа директно вклучување во пoлитичките преговори за излез од кризата, од опозициската СДСМ со преку соопштение велат дека тие поддржуваат активно вклучување на граѓанскиот сектор во преговарачкиот процес.
-СДСМ во континуитет ги поддржува барањата на граѓанските организации.Неопходна е транспарентност во преговарачкиот процес. Од тие причини постојано укажуваме дека е потребно активно вклучување на граѓанскиот сектор во преговарачкиот процес, се вели во соопштението на СДСМ.
Претставници на над 80 граѓански организации коишто се иницијатори на протестите, пред Резиденцијата на амбасадорот на САД каде што во моментов се одвивааа меѓупартиските преговори го искажаа револтот што и покрај нивните барања, не се вклучени во нив.
Како што велат, тие не бараат вклучување на преговорите со цел да носат одлуки, туку да го мониторираат процесот и како граѓански сектор да понудат алтернативи доколку партиските преговарачи „запнат“ на некое од прашањата за кои се преговора.
На улицата пред Резиденцијата, со боја испишаа „Граѓаните ќе ја решат кризата“ како порака за политичарите кои се внатре на преговори.
Професорката Мирјана Најчевска, која беше дел до претставнциите на невладините организации, порача дека доколку не се исполнат нивните барања, од како што ги нарече, „киднапираните преговори“ протестите ќе продолжат порадикално, што не значи дека ќе бидат насилни.
На прашање на НОВА како очекуваат тие да бидат вклуени во преговорите кога Претседателот на државата ги оквалификува како „платеници“, Најчевска рече дека неговиот збор воопшто не е важен, бидејќи се работи за „индивидуа со ниски ителектуални капацитети“.