Последна информација од МВР: До 15 часот бројот на загинати лица во невремето во Скопје достигна до 21, од кои 20 лица се идентификувани, а една жртва се води како непозната. Телата на загинатите им се предадени на семејствата. Починатите лица се пронајдени на подрачјето на Гази Баба односно: Сингелиќ, Стајковци, обиколница Смилковци и с.Црешево. Од МВР информираат дека бројот на повредени граѓани е околу 70, а дел од нив се хоспитализитани по скопските болници.
Од МВР сооштија дека јавен обвинител не излегол на терен, за да ја констатира состојбата.
„Во врска со начинот за превземање на мерки беше запознат и дежурен јавен обвинител, кој што не излезе на лице место, а даде конретни насоки за начинот на постапување на полициските службеници во делот на идентификување на настраданите лица.“, велат од МВР.
Се преземаат мерки поради настанатата елементарна непогода,и притоа дадени се конкретни задачи на сите вклучени државни органи во делот на претрес на терен, со цел пронаоѓање евентуално други настрадани лица, потоа настанати штети, како и воспоставување на елементарни услови за живеење.
За таа цел, подрачјето зафатено од елементарната непогода, поделено е на два реона, и тоа:
Прв реон – обиколница кај Смилковско езеро, Камник до улица„Алија Авдовиќ“, на кој терен претрес ќе вршат АРМ и
Втор реон – од улица „Алија Авдовиќ“ према с.Арачиново на кој терен претрес ќе вршат МВР и притоа се ангажирани полициски службеници од (ЕСЗ, ЕБР, ПС ОН и ЕЈРМ).
Од страна на екипи од Општината Гази Баба и Град Скопје ангажирани се правни лица со механизација за расчистување на штетите настанати од непогодата. Пожарната бригада ја испумпува водата на критичните точки, а редуциран сообраќај има на дел од обиколница и во правецот од влез од нас.Ченто према с.Арачиново, додека пак во централното градско подрачје сообраќајот е нормализиран.
Во текот на целокупната активност од страна на МВР – ОСПО покрај полициските службеници ангажирани се 34 дефендери, 9 пинцгауер, 3 џип чироки, 5 хермелини, 3 хамери, 1 подвижна механичарска работилница, 3 санитетски возила и 3 хелихоптери, додека пак од СВР Скопје,, 4 комбиња фолксваген, 5 дефендери и 5 јети.