-6 август 2016 година е нова темна страница во историјата на Македонија. Институциите се карикатури кои се колабирани. Оваа земја страда од тоа што луѓе што не го работат тоа за што се поставени и што треба, рече Софија Куновска од СДСМ реплицирајќи на излагњето на вицепремиерот и министер за здравство Никола Тодоров, критикувајќи го неговиот став дека сега не е време за одговорност тука за лопата.
Таа го праша дали ќе побара одговорност од првите луѓе на Дирекцијата за заштита и спасување, на Центарот за управување со кризи кои не беа на висина на задачата од првиот ден. Исто така таа праша дали ќе има одговорност од Јавниот сервис МТВ кој до 2 часот по полноќ немаше информација за невремето.
Според неа, одговорност има и УХМР кои не го предвидоа невремето. Обраќајќи се до министерот за внатрешни работи Чавков таа рече дека „еден граѓанин успеал да спаси повеќе ѓивоти на денот на невремето, отколку целото нгово Министерство“.
Таа го запраша Тодоров дали бројката од 22 жртви од поплавите е конечна или има и други кои не се објавуваат во јавноста, зошто евакуацијата на населението е започната друи вчера, седум ден по поплавите и зошто институциите не биле присутни на теренот уште истата вечер.
Куновска побара целата помо и донации да бидат транспарентни за да не се создаваат сомнежи за злоупотреби.
Одговарајќи на тврдењата и прашањата на Куновска, Тодоров рече дека таа го направила тоа што тој апелирал д ане се прави- да се собираат политички поени во услови на криза. Тој негираше дека институциите не биле присутни и се повика на податоците што претходно ги спомена во излагањето.
Беким Фазлиу од ДПА посочи дека мора да има политичка, морала и кривична одговорност за жртвите од невремето кое според него можеле да се избегнат ако институциите се погрижиле во настраданите подрачја како Стајковци, Сингелиќ и Арачиново има обебзедено чисти канали и атмосферска и фекална канализација.
Тој посебно го критикуваше однесувањето на политичарите кои како што рече во погодените подрачја оделе за „сликање“. На излагањето на вицепремиерот за веропски прашања АРбр Адеми, кој говореше за ангажманот на владините институции, Фазлиу му реплицираше дека тој „нема идеја“ каква е ситуацијата на теренот бидејќи не ни отишол да види.
Џевад Адеми од ДУИ предложи сите политичари со своите приходи да даде придонес во донациите за настраданите.
Павле Трајанов од ДС ја пренесе пораката од жителите на погодените региони дека 25 години гласале за нив, а сега се удавени во кал. Тој истакна дека секој може да донира колк сака, но никој не може да забрани за сите слабости, за колапсот на сигналите за предупредување да бараат одговорност.
Трајанов побара да се формира парламентарна комисија која ќе ги спроведува заклучоците што би ги донело Собранието. Исто така тој побара при лоцирањето на местата каде да се помага, да се имаат предвид и компаниите кои претрпеле штети од невремето, бидејќи голем дел од настраданите граѓани работат токму во овие компании.
Антонио Милошоски во неговиот говор се заблагодари за ангажманот на припадниците на државните институции, повторувајќи го ставот на владејачкото мнозинство во оваа дебата дека сега не е време да се бара одговорност. „Некои едвај чекаа да се случи ваква трагедија за да ги искаже свооите политички фрустрации“, рече Милошоски.
Собранието во моментов е на пауза.