Натпреварот помеѓу репрезентациите на Албанија и Македонија кој вечерва се игра на стадионот „Лоро Боричи“ во Скадар, Албанија, започна тензично откако фудбалерите на македонската репрезентација беа исвиркани за време на интонирањето на химната од страна на навивачите на албанскиот тим.
Социјалните мрежи веќе се полнат со коментари од непријатниот старт на овој фудбалски меч оценувајќи го инцидентот како „неспортски“, а има и провокативни дискусии со етнички предзнак помеѓу сограѓани од Македонија.
На трибини во Скадар, македонската репрезентација има подршка од околу 200 навивачи кои со полициско обезбедување беа внесени на стадионот два часа пред почетокот на натпреварот. Од Македонија допатуваа и навивачи кои во Скадар дојдоа да ја бодрат репрезентацијата на Албанија, а најбројни се „балистите“ од Тетово.
Вечерва во Скадар се игра првиот квалификациски натпревар за Светсото првенство во Русија 2018 година. Албанија поведе на почетокот со гол во 9-та минута.