Иако Доналд Трамп бележи поени во важните држави, тие нема да му бидат доволни за да го освои претседателскиот мандат ако изгуби во државите како што се Флорида и Северна Каролина,оценува новинската агенција АП, додавајќи дека, ако Клинтон победи во Флорида или во Северна Каролина, веројатно таа ќе биде новиот претседател на САД.
„Предизборниот тим на Трамп би требало да биде загрижен“, вели Скот Трентер, коосновач на фирмата „Оптимус“ за анализа на податоците на републиканците.
Анализата на неговата фирма навестува добар конечен резултат за тимот на Хилари Клинтон кога станува збор за раното гласање, односно гласањето пред изборниот ден, кое во САД е во тек во 34 од 37 држави во кои таков вид на гласање се организира, наведува АП.
Повеќе од 4,4 милиони американски гласачи веќе гласаа, по пат на маил или на гласачките места, а таа бројка е поголема во однос на истиот период во очи на претседателските избори во 2012 година.
Вкупно се очекува дека ќе гласаат 45 милиони луѓе пред изборниот ден, што се 40 проценти од вкупниот број на гласови.
Двете партии ги охрабруваат своите симпатизери да излезат на раното гласање, чиј исход официјално ќе биде познат дури кога ќе почне пребројувањето откако ќе бидат затворени сите гласачки места на 8 ноември.