Реал Мадрид пред три години го направи Герет Бејл најскап играч на сите времиња кога на Тотенхем му плати оштета од 101 милион евра. А, денес го направи најплатен во историјата на фудбалот.
Бејл денес го продолжи договорот со Кралскиот клуб и потоа потпиша нова шестгодишна соработка. На тој начин Реал Мадрид го „блиндираше“ Бејл на подолг период. Кога ќе му истече договорот, Бејл ќе има 33 години. Тоа значи дека и Манчестер Јунајтед може да заборави на Велшанецот. Црвените ѓаволи веќе подолго време сонуваат за доведување на Бејл, но неговото доаѓање на Олд Трафорд ќе остане само сон.
Договорот на Бејл е главна вест на денот. Сите се прашуваат: Колку Велшанецот ќе заработи во Реал Мадрид.
Островјаните пишуваат дека Бејл за шест сезони ќе заработи 166 милиони евра бруто. Значи, пред оданочувањето, на годишно ниво, а кога ќе плати данок, а тоа се нешто повеќе од 20 милиони евра нето за Бејл. Што е скоро дупло повеќе од она што досега го заработувал. Досегашниот договор на Бејл изнесува 11 милиони евра нето.
Со таа плата, Бејл стана трет најплатен фудбалер на светот. Пред него се само Кристијано Роналдо и Лео Меси кои заработуваат околу 21 милион евра. Бејл го надмина и новиот договор на Нејмар вреден 19 милиони евра годишно. Ги престигна и Хулк, Пеле, Ибрахимовиќ, Милер, Погба, Мартинез и останатите кои досега биле поплатени од него.
А, каков ли договор го чека Кристијано Роналдо?
Португалецот во Реал Мадрид веќе подолго време преговара за продолжување на соработката. Проблем е должината на договорот. Роналдо сака соработка до 2021 година, Реал нуди една година пократок договор.