Вест со стравични последици од Истанбул. Победата на Фенербахче кај Акхисар Беледије со 3:1 во турското фудбалско првенство падна во сенка на хорор повредата на Робин ван Перси. Го постигна првиот гол за својата екипа во 26 минута, а во 39 минута беше изнесен на носилки од теренот.
По неколку дуели на работ на казнениот простор Холанѓанецот заврши како покосен на тревникот. Набрзо се испостави дека добил удар во левото око. Најлошата информација, сепак, пристигна по средбата. Според наводи на доктори, очното сочиво е целосно уништено и голема е веројатноста Ван Перси да не прогледа повеќе со повреденото око што би значело и крај на неговата фудбалска кариера.
Медиумите и социјалните мрежи се преплавени со фотографии со крвавото лице и превез на окото на холандскиот инттернационалец. Зачудува и веста дека амбулантното возило му требало 15 минути да стигне до стадионот, неверојатно е како воопшто почнала средбата без присуство на медицински персонал на стадионот.
https://www.youtube.com/watch?v=DiqDSm_okVg
Ван Перси вечерва е итно подложен на операција, но лекарите се скептични дека репрезентативецот на Холандија ќе може да се врати на фудбалските терени.
https://www.youtube.com/watch?v=sqk0mVRfBoo