Роналдо како заштитно лице на „Најк“ ќе добива 24 милиони евра годишно

Секој ден договор за Кристијано Роналдо. По вчерашното продолжување на соработката со Реал Мадрид, Португалецот денеска парафира и со „Најк“. Капитенот на „кралевите“ и португалската репрезентација години наназад е заштитно лице на американскиот производител на спортска опрема, а ќе остане и во иднина. Во јавноста е веднаш оценет како договор на животот.

Според договорот, Роналдо од „Најк“ ќе добива фантастични 24 милиони евра годишно. Досегашниот на заштитното лице на компанијата му носеше три ипол пати помала сума. И Роналдо и „Најк“ потврдија дека заеднички продолжуваат и во иднина.